देशभर १ हजार २२८ जना  नयाँ कोरोना संक्रमित

देशभर १ हजार २२८ जना नयाँ कोरोना संक्रमित

कुल संक्रमितको संख्या ४२ हजार ८७७

काठमाडौं । नेपालमा थप १ हजार २२८ जना कोरोना संक्रमित थपिएका छन् ।
देशभर बिहीबार महिला ३९४ र पुरुष ८३४ गरी १ हजार २२८ जना संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कुल संक्रमितको संख्या ४२ हजार ८७७ पुगेको स्वास्थ्य मन्त्रालयका प्रवक्ता डा. जागेश्वर गौतमले बिहीबारको नियमित प्रेस ब्रिफिङमा जानकारी दिए ।

यसैगरी बिहीबार उपत्यकामा थप ४४५ जनामा कोरोनाभाइरस संक्रमण पुष्टि भएको छ । जसमा काठमाडौंमा ३५७, ललितपुरमा ४६ र भक्तपुरमा ४२ जना रहेका छन् ।

यस्तै देशभर सक्रिय संक्रमितको संख्या १८ हजार ४१३ रहेको छ ।

ब्रेकिङ्ग समाचार स्वास्थ्य