तीन हप्ता अघि कोरोनाबाट संक्रमित भएको जेनेलियाको खुलासा

तीन हप्ता अघि कोरोनाबाट संक्रमित भएको जेनेलियाको खुलासा

बलिउड नायिका जेनेलिया डिसुजा देशमुखले आफू तीन हप्ता अघि कोरोनाद्वारा संक्रमित भएको खुलासा गरेकी छिन् । संक्रमणपछि आफू आइसोलेशनमा बस्नु परेको पनि उनले बताइन् । यद्यपि, अब उनको रिपोर्ट नेगेटिभ आइसकेको छ । उनले सो कुरा आफ्नो सोसल मिडिया अकाउन्टमा सेयर गरेकी हुन् ।

जेनेलियाले आफ्नो पोस्टमा लेखिन्, ‘नमस्ते, तीन हप्ता अघि ममा कोभिड पोजेटिभ देखिएको थियो । पछिल्लो २१ दिनदेखि म असिम्पोमेटिक (लक्षण नदेखिएको) थिएँ । भगवानको कृपाले आज मेरो कोभिड परीक्षण नेगेटिभ आएको छ । ममाथि चलिरहेको आशिर्वादका कारण यो रोगसँग मेरो लडाईं निकै सजिलो भयो तर मैले यो पनि स्विकार गर्नुपर्ने छ कि आइसोलेशनको यो २१ दिन मेरा लागि सबैभन्दा चुनौतीपूर्ण रह्यो ।’

एक्लोपनसँग जुध्न निकै मुश्किलः

उनले थपिन्, ‘फेसटाइम र अन्य डिजिटल एपमा बिताएको जति पनि समयले एक्लोपनको त्यो समस्यालाई मार्न सक्दैन । म आफ्नो परिवार र प्रियजन भएठाउँ फिर्ता हुन पाउँदा निकै खुसी छु । आफूलाई प्रेम गर्ने परिवारको नजिक राख्नुहोस् । उनीहरु वास्तविक शक्ति हुन् र सबैलाई आवश्यक भनेको यहि एउटा कुरा हो । चाँडोभन्दा चाँडो परीक्षण गराउनुहोस्, यो राक्षससँग लड्ने एकमात्र तरिका भनेको स्वस्थ हुनु हो । जेनेलियाको प्रेम ।’

जेनेलियासँगै अमिताभ बच्चन, अभिषेक बच्चन, ऐश्वर्या राय बच्चन र आराध्या बच्चनलगायतका थुप्रै सेलिब्रिटी कोरोना संक्रमणबाट मुक्त भइसकेका छन् ।

मनोरञ्जन