भारतमा एकैदिन ७५ हजारमा कोरोना संक्रमण

भारतमा एकैदिन ७५ हजारमा कोरोना संक्रमण

काठमाडौँ । भारतमा एकैदिन ७५ हजारमा कोरोना भाइरसको संक्रमण देखा परेको छ । पछिल्लो २४ घण्टामा ७५ हजार ९९५ जना संक्रमित बनेका हुन् । यो संगै भारतमा कोरोना संक्रमितको कुल संख्या ३३ लाख ७ हजार ७४९ पुगेको हो ।

संक्रमितको यो संख्या एसियाली देशमा सबैभन्दा धेरै हो भने विश्वमा सबैभन्दा बढी संक्रमित हुने देशहरूको सूचिमा तेस्रो हो । संक्रमितमध्ये अहिलेसम्म २५ लाख २३ हजार ४४३ जना संक्रमणमुक्त भएका छन् भने ६ लाख ९५ हजार ४०० जनाको उपचार भइरहेको छ ।

यस्तै भारतमा कोरोना भाइरसको संक्रमणले ६० हजारभन्दा बढीको मृत्यु भएको छ । पछिल्लो २४ घण्टामा १०१७ जनाको मृत्यु भएपछि भारतमा यो समाचार तयार पार्दासम्म मृत्यु हुनेको संख्या ६० हजार ६२९ पुगेको वर्ल्डोमिटर्सले जनाएको छ ।

विश्व